ગંભીરા બ્રીજ તુટ્યા બાદ બંધ કરાયેલું બેચરી ગરનાળુ પગદંડી-બાઈક ચાલકો માટે ખુલ્લુ મુકાયું

ગંભીરા બ્રીજ તુટી પડ્યા બાદ આણંદ જિલ્લામાં નાના-મોટા ૯ જેટલા ગરનાળાઓને વાહન-વ્યવહાર માટે બંધ કરી દેવામાં આવ્યા હતા. તે પૈકી ઉમરેઠથી સુંદલપુરા તરફ જતા બેચરી ગામે આવેલું ગરનાળુ પગદંડી રસ્તા તેમજ બાઈક ચાલકો માટે ખુલ્લુ મુકાવતાં ગ્રામજનોમાં આનંદની લાગણી પ્રસરી જવા પામી હતી. પ્રાપ્ત વિગતો અનુસાર બેચરી ગરનાળુ પણ જર્જરીત હોવાનો રીપોર્ટ આવતાં તંત્ર દ્વારા તેને બંધ કરી દેવામાં આવ્યું હતુ. જેને લઈને બેચરી અને તેની આસપાસના ગામો ઘુળેટા, સુંદલપુરા, દુધાપુરા, શીલીયાપુરા, સુરેલીના ખેડૂતો, સ્કુલે અભ્યાસ કરવા માટે જતા વિદ્યાર્થીઓ તેમજ નોકરી-ધંધાર્થીઓને ભારે હાલાકી ભોગવવી પડતી હતી. ગરનાળુ_ બંધ થઈ જતાં તમામને હમીદપુરા અને ભરોડાવાળા ગરનાળાએથી અવર-જવર કરવી પડતી હતી જેને લઈને પોણા બે થી બે કીમી જેટલો નાહકનો ફેરો પડતો હતો. જેની રજુઆતો પણ કરવામાં આવી હતી.જેને પગલે ગરનાળુ પગદંડી રસ્તા માટે તેમજ બાઈક કે સાયકલ જેવા વાહનો જઈ શકે તે માટે ખુલ્લુ કરવાનું નક્કી કર્યું હતુ અને તુરંત જ બંધ કરી દેવામાં આવેલુ_ નાળુ ખુલ્લુ કરાયું હતુ. જેને લઈને ઉપસ્થિત ગ્રામજનોમાં આનંદની લાગણી પ્રસરી જવા પામી હતી. છેલ્લા કેટલાક સમયથી આજુબાજુના ગ્રામજનોને ગરનાળું બંધ હોવાને કારણે ૧૦ કિમિથી વધુનો ફેરો પડતો હતો જેને લઈને આજુબાજુના તમામ ગ્રામજનો દ્વારા તમામ જગ્યાએ રજુઆતો કરી હતી જે રજુઆતોને ધ્યાને લઈને તંત્ર દ્વારા પગદંડી માર્ગ જેટલુ ગરનાળુ ખોલવાનો નિર્ણય લેવામાં આવ્યો હતો જેને કારણે હવે ગ્રામજનોને પડતો ૧૦ કિમીનો ફેરો હવે નહી પડે.

Download Our App: